Al Ain Airshow

Die naweek toe het ons besluit om bietjie te gaan kyk hoe vlieg die mense rond met die Al Ain Airshow. Verlede jaar het ons ook gegaan maar op die paviljoene gaan sit. Hierdie jaar het ons besluit ons wil dit van die woestyn se kant af sien.

Toe ons wil ry by die huis toe vind ons vir Nala ons kat in die kar. Lekker uitgestrek en slaap. Die katte kry koud nou met die winter. Ek praat met een van my kollegas by die werk 'n Amerikaner. Hy is al in die UAE van 1981 af en hy vertel my dat hierdie 'n baie koue winter is. Die koudste wat hy nog gekry het hier. Hy sê dat dit in 1986 ook koud was maar nie soos nou nie. Nou die oggend toe daal die kwik na 3 grade celsius.

Met ons aankoms in die woestyn is daar alreeds baie karre en Quad bikes wat op en afjaag. Ons sê net die heeltyd vir die kinders om nie te ver af te dwaal van die kar af nie. Hulle jaag soos mal goed en sal sommer oor die kinders ry. Die "show" het toe ook al begin en die vliegtuie dreun oor ons koppe met die akrobatiese toertjies wat hulle uithaal.

Die mense se formasie vliegkuns is baie goed. Dit vat seker baie oefen en tyd om so te vlieg.

Later toe raak die windjie nogal koel en ons pluk die duvet uit die kar uit. Toe voel dit darem maar baie beter hoor. Heel cozy. Crispin is al so gewoond om altyd tussen ons te wees dat hy nie laat wag het op hom om weer in te squeeze nie.

Hierdie foto het nie so mooi uit gekom nie maar ek plaas hom want dis mense wat hulleself "Wing Walkers" noem. 'n Mens moet guts hê om so daar bo te staan, moet seker koud wees.
Hierdie 2 vliegtuie het 'n dog fight gesimuleer. Amper soos iets uit die 2de wêreld oorlog. Dit was net ontploffings en rook soos hulle aan gegaan het.

Terwyl ons daar sit toe kom daar hierdie mense verby. Toe ons mooi kyk sien ons die vlaggie is eg Suid Afrikaans!! Ek moes net 'n foto neem. Ons neem ook oral oor in die wêreld lyk dit my.

Celine se konsert

Hello julle. Sjoe dit gaan reën, sneeu, hael, donderweer, noem net wat julle wil maar sorg dat julle binne bly want die Sloan's het weer iets op die blog gesit. Jammer aan almal wat so getrou die bladsy oop maak met die hoop op 'n ietsie nuut en dan moedeloos dink Crispin verjaar nog steeds met sy vissie.

Ons was by die skool se Talent Show gewees Donderdag, 24ste. Dit was nogal lekker. Ek voel net die tyd was nie reg nie want die meeste ouers werk en kon nie die konsert bywoon nie. Die tyd was 12h00 gewees en daar was skaars ouers teenwoordig. Maar wat tel is dat ek en Vicky daar was om na Celine se optrede te kon kyk. Sy en haar klas maaatjie Jasmin, ook 'n Suid Afrikaner, het Vader Jacob gesing en toe het hulle ander klas maatjie Lea dit in Frans gesing aangesien sy van Frankryk is.

Dit was regtig so mooi gewees. Jasmin se Ma, Sylvia, het besluit om vir Jasmin 'n rok te laat maak en toe vertel Celine haar Ma. Vicky besluit dat die kinders seker maar dieselfde moet lyk en materiaal word gekoop. Nou moet ek noem die materiaal kos 44 dirham (R85-00) en die rok se maak was 150 dirham(R287-00). Vicky het besluit sy maak sommer die rok want 150 dirham vir 5 minute se gebruik is te veel. Dit het haar so +- 12 ure geneem om die rok te maak. Die verskil is skaars sigbaar soos julle kan sien op die foto.

Hier sing ons jong IDOLS hulle harte uit op die verhoog en hulle geniet dit terdeë. Hulle het nie eers stage fright nie. Sommer natuurlike opvoerders.

Ons hoop ons het nog baie sulke opvoerings.

26 September! Crispin Verjaar!

Crisi wou 'n vissie gehad het...

Happy Birthday 2 you!!!!! Dis ons gesinstradisie om die Gelukkige Verjaardaglid met 'n koek en kerse douvoordag wakker te sing..heel duidelik het hy met 'n "tjoklit"gesiggie gaan slaap!

Baie beindruk met hierdie "Memo"!

BLAAS!!!
nou vir geskenkies oopmaak! Dankie Lien!
Dankie Bokkie!
gou-gou tyd vir speel voor skool! my skoolmaats...



my kaartjie...
terug by die huis...LEKKER!

klaar gebad en ek hou nog steeds partytjie!!!

vat so sussie!

en mamma...

die volgende dag en ek verjaar nog steeds!

Dankie Lani!!!

Dis dieselfde blou as my Pa se hemp, maar heel duidelik is my Pa NIE beindruk nie...is dit dalk die "bul" op die hemp????

*******************************************

Eerste dag, week by die skool..

Opstaantyd...

Aantrek..

Hare doen...
Hier is ek nou...

Net gou-gou bietjie speel...voor ek moet ingaan..

Pappa moet net mooi praat...
*****************************************

Dag 2, huistoe gaan -tyd

ons speel te lekker...
wie wil nou huistoe gaan?
Dag 3..waterspeeldag by die skool en dan naweek!

Lana gaan Suid-Afrika toe vanaand en ons 3 gaan saam om vir die week te kuier!!!
(13 Sept)

Operasie SKOOLSOEK vir Crispin!

Na 2weke se gehuil het Crisi op 'n manier besef dat ons hom nie vir altyd los nie en dat ons wel terugkom huistoe...ons het 'n nanny "geleen" wat so pragtig na hom gekyk het by die huis dat hy nie eers wakker geword het in die oggende om ons te groet nie. in die middae was hy gelukkig en sing en tel glad al bietjie in Engels. Die eerste ding wat hy altyd na 'n dag se huil vir my gesê het is ..."mamma Crisi so baie huil" met 'n snik wat my hart wou laat breek het! maar wat hy nou met 'n glimlag sê is: "mamma Crisi lekker bly by Shirly" ongelukkig kan sy nie nog langer na hom omsien nie, so volgende week is dit skooltoe vir hom saam Pappa! Hul doelwit is om kinders te laat leer deur speel, wat vir my heel normaal klink soos kleuterskole waaraan ek gewoond is, alhowel die prys nie so normaal klink nie...5300dh vir die eerste termyn....

Crispin staan nader om die oom te groet, hy is versot op mans maar van vrouens wil hy NIKS weet nie, moet seker die land wees waar hy gebore is....

hy is dadelik ge interesseerd in hierdie plek!

wipmatte....

lekker groot bome!allerhande rygoedjies en SAND!
nog 'n buite area op die dak...

lyk amper of hy wil belangstel in die leerspeelgoed wat hulle hom wys...

die rekenaarkamer...
op Donderdae is dit springmielie en fliekdag...
hy het in die wag area gewag nadat hy so bietjie ontdooi het...
gee my wiele en ek is gelukkig...

hier gaan ek lekker ry!

en gly....

******************************************

Nou ja Crispin meld Sondag die 9de aan vir speel, die woord skool wil hy nie eers hoor nie! Ons hoop en bid dat hy dit gaan aanvaar en geniet. mens moet seker maar die voëltjie uit die nessie laat gaan al is dit hoe moeilik! oor 'n maand lyk alles weer heel anders... ontwrigting bring ook groei mee..