'n Dag in Khalidya Mall saam die kids...

Eerste foto vir die dag,ek hoef nie vir 'n "Pose" te vra nie, dit word sommer automaties gedoen met 'n "Cheese" uitgeroep dan moet ek eers krap vir die kamera...darem sorg hulle vir blognuus.

Verby die speletjie arkade kon ons nie glip nie,Crispin hou van alles wat soos speelplek lyk..om nie eers van die gesigverf te praat nie..lyk amper of hy gaan slaap..

Heel ingenome met sy Batman gesig hoor!

...ek wonder wie geniet dit die meeste???
...in die 3D cinema..

Wat is dit met die handgebare girls? Seker iets wat ek nie sal verstaan nie...

.."Cool"..ek lyk soos my pa..

mmm...stampkarretjies...sal nie my kar vir hierdie girls leen nie!
...Rollercoaster...tatta!! Ek en Crispin bly veilig op die vloer..ek's nie bang nie..Crisi is!ja die perdjie lyk rybaar,nie so wild soos die rollercoaster nie!

BALSKOP! Ja DIT kan ek GOED doen!!!


..en op "Kung-Fu" Panda ry...
Maar die scary-ste deel was toe my ma vir haar gesigverf gegaan het-ons het die mense lekker BANG gemaak!!! Catwoman en Batman!!

*****

Ontmoet ons diertjies en hulle maniertjies...

"Aangename kennis, my naam is Tiger, soos in Tiger Oats, Tiger Woods..ek slaap graag op Celine se bed, haar kamer is die netjiese kamer..ek weet nie hoekom hulle altyd sê 'n plek is so deurmakaar dat 'n kat daar sal kleintjies kry nie, ons is mos netjiese diere!" Ons het Tiger laas jaar by 'n Chinese Restaurant gesien en die meisies het gesmeek om hom te vat,ek het voet by stuk gehou en NEE gesê..intussen het ek slapende Crispin kar toe gevar terwyl hul vir Tiger groet..Die meisies en hul pa het Tiger in die kar ingesmokkel terwyl ek salig onbewus daarvan was dat die baba-katjie saam ons in die kar ry..snoesig in 'n baadjie toegedraai en die kar se musiek hard genoeg sodat ma nie die gemiaau moes hoor nie..die res is mos maar geskiedenis!

"my nooi neem fotos van my...ai tog daar lig

sy alweer die stert op..kan glo nie uitken

wie is wie nie...Ja ek het 'n "double"!

********************

"My naam is Oreo soos in Oreo koekies...ek geniet dit hier buite,die koue huis tas my heupe aan dan kan ek nie lekker loop nie." Ons het Oreo 5 jaar teug by die winkel in Abu Dhabi opgetel,sy was 'n alleenloperkatjie wat toe ook so lekker in die son gelê en bak het..vreeslik maer en uitgeteer,daar is soveel rondloperdiere en ons kinders wil vir almal sorg..

*****

Hallo almal! Ek is Buddy..soos julle my hier sien lê, so lê ek ook as ek eet en water drink, almal dink ek is lui maar dis eintlik die teels wat so lekker koel is, en wanneer die teels te koud word...

..maak ek myself gemaklik op die bank..

ek staan darem so af en toe op en is altyd gereed om te groet!












..en natuurlik om myself te lawe op 'n hondnatmaaksessie..wat eintlik 'n
grasatmaaksessie is...

Buddy is ook 'n optelmaatjie wat iemand sommer net gelos het, toe hy in 'n kompleks gekry is was hy net so maer en vuil gewees, om nie eers van bang en mens-sku te praat nie! Hier is nie 'n baie groot liefde vir diere nie,weet nie of dit maar die opvoedingsfaktor is nie, maar die mense gee nie om vir diere soos ons nie, ons maak hule deel van ons gesin maar sommige mense sien hulle net as "it"! Maar ja..Buddy is 'n pragtige en baie vriendelike woef en het al baie goed gerehabiliteer!
*****

Sandra, Charmaine en Nelmari kom kuier vir ons!

Julle ons bly al 'n jaar en 5 maande in Al Ain en dis die eerste kuiertjie wat ons van inkry...ons het mekaar regtig nie vergeet nie maar dit werk elke keer so uit dat wanneer hulle in Al Ain kom dan is ons in Abu Dhabi!

Sandra het natuurlik verslaggeefster en paparazi-bloed in haar are en sy het die beste fotos geneem en die nuus al vertel, so kliek op uitentuis se blog hier langsaan om ALLES te sien...

Sandra en Charmaine het ons en die lede van die Al Ain Kinderkerkgroep kom touwys maak oor les-aanbieding en musiek vir die kinders. Dit was baie leersaam en interessant, kyk hulle mag maar! Mens kan nie help om sommer opgewonde te raak om die kindertjies na Jesus toe te lei!

********************************

Alles was nie net werk, werk, werk nie..

Jammer maar ek is 'n swak rugbykyker...ek moes net altyd Greg se seer "grassburns" en spiere nurse..dis al wat ek daarvan weet of geweet het VOOR die skare in ons sitkamertjie begin "refferee" het..jo jo jo.. toe weet ek die is nie 'n goeie "game" nie...ek moes hulle lawe met tee en koek om hulle monde stil te kry...

...iets sterkers te drinke was buite die kwessie..die mense was klaar kwaai! Maar gelukkig het Sandra almal gerus gestel dat ons nog steeds die wêreldbeker het...

Daarsy! Ek is nog steeds 'n rugbynurse, dit was nou wel nie "grassburns" en seer spiere nie maar die kwaaigeit is "genurse" met 'n koppie "betervoel"...

Dankie julle! Ons het julle kuier uiters baie geniet en dankie Nelmari dat jy ons kiddies besig gehou het,hulle het jou baie geniet!

********************************************


















Laas het einde niet...nadat Greg vir Sandra hulle uit die dorp gevat het, het Louis en Retha(ook deel van die kindergroep) agtergebly en die heerlike warm aandlug (met "N PAAR REENDRUPPELS hier en daar ) op die gras-sypaadjie uitgesweet!

Die Kinders..en die BAL...

Toe ek die brosjure met die balle op die water gesien het het ek gedink dis harde plastiekballe, maar ja ek gaan julle stap vir stap verduidelik....

Die tweetjies(Celine in die groen..weet nie wie die ander meisie is nie-maar sy weet nie waarvoor sy haar inlaat om saam ons "maltrappie" in 'n geslote area in te gaan nie..) moes in 'n 60cm oopgeritse rits-sluiter inklim...

.....dan word daar lug ingeblaas...

Heel duidelik pla die geslotenheid nie die 2 nie, sal maar eerder nie sê wat my gevoelens daarbinne was nie!(dalk iets te doen met die feit dat ek "ouer" is)

Hier lyk dit of hulle heel dik gesels is vir mekaar en hulle ore toedruk om mekaar nie meer te hoor nie-soos kinders mos maar maak..

NEE! As jy self daar binne is voel dit soos wanneer die vliegtuig opstyg, net erger! Die drukking in die bal is ongelooflik hoog en dis baie seer, my ore tuit sommer weer!

So gou as wat hulle voet die water geraak het is die seer ore vergete..

Celine het GEEN einde nie...

Dis tyd om uit te klim,daar is natuurlik geen limiet nie, net ellelange rye van kinders wat ook wil...kan nie dink hoe hulle so kan uithou daarbinne nie, dis rerig "CLOSTERPHOBIC"!!!

Lekker uit-asem!!!

Nou is dit Celandre se beurt....

Crispin is baie nuuskierig om te sien wat sy sussie doen maar bly op 'n veilige afstand om ver genoeg te kan hardloop as iemand hom in die bal wil indruk...slim kind..

Die lug is klaar ingeblaas en daar is geen probleem met seer ore nie..dalk was dit daardie 2 se geklets wat te erg was...

Heel duidelik het Celandre 'n ander benadering tot hierdie bal..lyk nie of sy dit vir speel gebruik nie maar "leisure", eintlik lyk dit of sy "pose"!

Die 2 niggies vat dit maar rustig..

..en Crispin laat homself nie in 'n "bal druk nie"

..hy vaar liewer op 'n boot..

xxxxxxxxxxxxxxxxxxxxxx

Die TAG-storie...

Sandra het my ge-tag..of is dit nou geterg...
Waar is die mayonaise en lekkers vragies? Sou graag Cross en Blackwell en Fizzers opsit om nie eers van Cream-Soda gaskoeldrank te praat nie...OOOOO verlang ek nou terug SA toe...
maar ja dis die rede waarom ons nou op 'n dieet is...

Tandepasta: Oral B Sensitive

Wasgoedseep: Ariel

Skottelgoedseep: Carrefour 1 -Lemon

Lyfseep: Lux Body Wash- Shimmering Sea

Parfuum: Body Fantasies se Fresh White Vanilla Musk en White Diamonds

Sjokolade: Lindt se DONKER SJOKOLADE veral met 'n tikkie lemoen in!

Chips: Pringles- Sout en Asyn

Kougom: Vicks Chappies en Druiwe geur

Aanmaakkoeldrank: O.. O.. O.. O.. OROS..passionfruit..as iemand dit van SA inbring..2de opsie is TANG-Mango

Kruidenierswinkel: Carrefour/Spinneys/Safeer

Kar: Wit KIA Sportage

Klere: Goeie Suid-Afrika,enige winkel met broeke waar daar spasie vir die heupe en die boude is...

Bank: National Bank of Abu Dhabi

Selfoon: Nokia 3500

Rekenaar: BenQ???

Tannie Annatjie ek wil graag julle almal in NZ terg maar ek weet nie hoe nie, so ek terg julle hoor, copy maar die lys en paste hom op new post...dit sal interessant wees om jul Brands te sien!

Dit reen lekker hier in Al Ain!

Die wat nie hier bly nie sal nie weet HOE warm dit hier in die UAE kan word die tyd van die jaar nie..tot jy dit self BELEEF nie, maar dink julle dit pla die kinders??? Nee dinge moet aangaan soos normaal..buite wees, gaan swem en fietsry vakansietye is net so lekker soos altyd (al is dit 47grade!)..

So sit ons maar weer op berg toe- Jebel Hafeet om te gaan swem, dit voel wel koeler daarbo as hier onder..maar dis 'n missie om uit die koel huis op te trek, seker amper soos die voortrekkers dooooerie tyd in hulle ossewaens oor berge en dale..een verskil ons karre het darem "aircons" in! Ons het toe heerlik afgekoel en die kinders het soos gewoonlik geen einde nie, toe is dit weer na die glybane toe op en af, op en af...nou hierdie klein klim en klouter in die water laat val water wat dit laat lyk soos reen, ek sê vir Greg sjoe dit sal darem Baie lekker wees om net bietjie so 'n reenbui te hoor en sien, soos hierdie speelding drup en spuit...

Greg en die kinders het nog lekker by die ander glybane gegly toe hulle vir my skree om die donderweer te hoor..toe het ek dit al geruik..daardie lekker reuk van reen wat in jou neusgate opstoot en die volgende oomblik toe REEN dit!

Binne sekondes het meeste mense weg gehardloop om uit die reën te kom.

..net nie die Sloan's en 'n Filipynse gesin nie...ons het te lekker in hierdie "BLESSING" baljaar!!!

omtrent 'n half-uur later het die Hotelbestuur die swembad "officially closed" verklaar en moes ons uit die water...ook maar goed so want toe begin die weerlig slaan!!! Wat 'n gesig, iets wat ons nog nooit hier gesien het nie..

Al ooit die gesegde gehoor van wees versigtig waarvoor jy wens...ek is bly ek het gewens...

xxxxxxx